ໃນລະຫວ່າງວັນທີ 23-25 ກັນຍາ 2009 ຜ່ານມາ, ທີ່ຫ້ອງປະຊຸມຂອງບ້ານພັກແຄມງື່ມ, ແຂວງວຽງຈັນ ໄດ້ຈັດໃຫ້ມີ ການຝຶກອົບຮົມກ່ຽວກັບ ການພັດທະນາການຈັດຕັ້ງ ໃຫ້ແກ່ພະນັກງານ ອຊນສ ໂດຍໄດ້ຮັບການສະໜັບສະໜູນຈາກ ທະນາຄານໂລກ. ໃນການຝຶກອົບຮົມຄັ້ງນີ້ ແມ່ນໄດ້ຮັບກຽດ ກ່າວເປີດພິທີ ໂດຍ ທ່ານ ບຸນເນື່ອງ ນຸດປາທອງ ຮອງຫົວໜ້າ ຫ້ອງການ ອຊນສ.

ສຳຫຼັບ ການຝຶກອົບຮົມຄັ້ງນີ້ແມ່ນເລັງໃສ່ພັດທະນາວຽກງານທາງດ້ານການຈັດຕັ້ງ ແລະການສ້າງຄວາມອາດສາມາດ ໃຫ້ແກ່ພະນັກງານໃນ ອຊນສ. ເພື່ອແນ່ໃສ່ສ້າງຄວາມສາມາດໃຫ້ພະນັກງານສາມາດ ສ້າງລະບົບການຈັດຕັ້ງພາຍໃນ ກົມ, ກອງ ແລະສະຖາບັນຂອງຕົນເອງ. ໃນການຝຶກອົບຮົມຄັ້ງນີ້ ໄດ້ມີນັກວິທະຍາກອນ ຈາກ ຈັດຕັ້ງສູນກາງ, ສະຖາບັນ ການເມືອງການປົກຄອງ ແລະທະນາຄານໂລກ ຜັດປ່ຽນກັນຂຶ້ນບັນຍາຍ ແລະໃຫ້ຄວາມຮູ້ ແກ່ນັກສຳມະນາກອນ ຈຳນວນ 29 ທ່ານ ຈາກກົມ,ກອງ ແລະສະຖາບັນອ້ອມຂ້າງ ອຊນສ.