ໃນ​ຕອນ​ເຊົ້າ​ຂອງ​ວັນ​ທີ 28 ມີນາ 2011 ອົງການ ຊັບພະຍາກອນ​ນ້ຳ ​ແລ​ະ ສິ່ງ​ແວດ​ລ້ອມ ​ໄດ້​ຈັດ​ຝຶກ​ອົບຮົມ​ລະບຽບ​ລັດຖະກອນ, ພາລະ​ບົດບາດ​ການຈັດ​ຕັ້ງ ​ແລະ ການ​ເຄື່ອນ​ໄຫວ ຂອງ ອຊນສ ​ໃຫ້​ແກ່​ພະນັກງານ​ລັດຖະກອນ​ໃໝ່ 95% ຈຳນວນ 60 ທ່ານ.

ໂດຍ​ການ​ເປັນ​ປະທານ​ຂອງ​ ທ່ານ ບຸນ​ເນື່ອງ ນຸດ​ປາທອງ, ຮອງຫົວໜ້າ ຫ້ອງການ ອຊນສ ​ແລະ ​ການໃຫ້​ກຽດ​ບັນ​ລະ​ຍາຍ​ຂອງ ທ່ານ ຫົງ​ທອງ ພູມ​ສະຫວັດ, ຫົວໜ້າ ພະ​ແນ​ກ ຄຸ້ມຄອງ​ພະນັກງານ ສຳນັກງານ​ນາຍົກລັດຖະມົນຕີ, ຂຶ້ນນໍາສະ​ເໜີ ກ່ຽວກັບ ດຳລັດ ວ່າ​ດ້ວຍ​ການຈັດ​ຕັ້ງ ​ແລະ ການ​ເຄື່ອນ​ໄຫວ​ຂອງ ອົງການ ຊັບພະຍາກ​ອນນ້ຳ ​ ແລ​ະ ສິ່ງ​ແວດ​ລ້ອມ, ດຳລັດ ວ່າ​ດ້ວຍ​ລະບຽບ​ລັດຖະກອນ ​ແຫ່ງ ສປປ ລາວ ​ແລະ ກົດ​ລະບຽບ​ພາຍ​ໃນ​ຂອງ ອົງການ ຊັບພະຍາກອນ​ນ້ຳ ​ແລ​ະ ສິ່ງ​ແວດ​ລ້ອມ. ​ເພື່ອ​ເປັນ​ການ​ຝຶກ​ອົບຮົມ​ໃຫ້​ບັນດາ​ລັດຖະກອນ​ໃໝ່​ໄດ້​ຮັບ​ຮູ້ ​ແລະ ​ເຂົ້າ​ໃຈ​ເຖິງ​ກົດ​ລະບຽບຂອງ​ລັດຖະກອນ ​ແລະ ພາລະ​ບົດບາດ​ຂອງ ອຊນສ ຊັດ​ເຈນ​ຂຶ້ນ​ກວ່າ​ເກົ່າ.

ການ​ຝຶກ​ອົບຮົມ​ດັ່ງກ່າວ​​ໄດ້​ອັດ​ລົງ​ໃນ​ຕອນ​ທ່ຽງ​ຂອງ​ວັນ​ດຽວ​ກັນ​ດ້ວຍ​ຜົນສຳ​ເລັດ​ອັນ​ຈົບງາມ.