ໂດຍ​ປະ­ຕິ­ບັດ​ຕາມ​ມະ­ຕິ​ຄຳ​ສັ່ງ​ຂອງ​ກອງ​ປະ­ຊຸມ​ຄັ້ງ​ປະ­ຖົມ​ມະ​ເລີກ​ຂອງ​ສະ­ພາ​ແຫ່ງ​ຊາດ ຊຸດ​ທີ VII ວ່າ​ດ້ວຍ​ການ​ຮັບ­ຮອງ​ເອົາ​ໂຄງ​ປະ­ກອບ​ກົງ­ຈັກ​ລັດ­ຖະ­ບານ ສະ­ໄໝ​ທີ VII ແລະ ອີງ​ຕາມ​ລັດ​ຖະ​ດຳ­ລັດ​ຂອງ​ປະ­ທານ​ປະ­ເທດ ສປປ ລາວ ວ່າ​ດ້ວຍ​ການ​ແຕ່ງ­ຕັ້ງ​ພະ­ນັກ­ງານ​ການ​ນຳ​ຂັ້ນ​ສູງ​ຮັບ​ໜ້າ­ທີ່​ໃໝ່.

ວັນ​ທີ 11 ມິ­ຖຸ­ນາ 2011 ຜ່ານ​ມາ ທີ່​ສຳ­ນັກ­ງານ​ອົງ­ການ​ປົກ­ຄອງ​ນະ­ຄອນ­ຫຼວງ​ວຽງ​ຈັນ ໄດ້​ຈັດ​ພິ­ທີ​ປູກ​ຕົ້ນ­ໄມ້ ເພື່ອ ສ.ສີ­ຂຽວ ໂດຍ​ໃຫ້​ກຽດ​ເຂົ້າ​ຮ່ວມ​ຂອງ​ທ່ານ ສຸ​ກັນ ມະ­ຫາ­ລາດ ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ມີ​ຮອງ​ເຈົ້າ​ຄອງ ເຈົ້າ­ເມືອງ ຫົວ­ໜ້າ​ພະ­ແນກ­ການ​ອ້ອມ​ຂ້າງ ອົງ­ການ ຫ້ອງ­ການ​ທຽບ​ເທົ່າ ເຂົ້າ​ຮ່ວມ.

ໃນ​ໂອ­ກາດ​ນີ້ ທ່ານ ສຸ​ກັນ ມະ­ຫາ­ລາດ ໄດ້​ກ່າວ​ວ່າ: ການ​ປູກ​ຕົ້ນ­ໄມ້​ແຫ່ງ​ຊາດ​ຄັ້ງ​ນີ້ ກໍ​ເພື່ອ​ແນ­ໃສ່​ເຮັດ​ໃຫ້​ຫ້ອງ​ວ່າ­ການ​ນະ­ຄອນ­ຫຼວງ​ວຽງ​ຈັນ​ພວກ​ເຮົາ ເຕັມ​ໄປ​ດ້ວຍ​ຕົ້ນ­ໄມ້​ປະ­ດັບ ຕົ້ນ­ໄມ້​ທີ່​ໃຫ້​ຮົ່ມ​ເຢັນ ແລະ ຂຽວ­ງາມ ທັງ​ນີ້​ກໍ​ເພື່ອ​ປະ­ຕິ­ບັດ​ນະ­ໂຍ­ບາຍ 6 ສ ເປັນ­ຕົ້ນ​ແມ່ນ ສ.ສີ­ຂຽວ ເຮັດ​ໃຫ້​ມີ​ອາ­ກາດ​ສົດ­ໃສ​ຢູ່​ໃນ​ນະ­ຄອນ­ຫຼວງ ກໍ​ຄື​ເຮັດ​ໃຫ້​ຫ້ອງ​ວ່າ­ການ​ຂອງ​ພວກ​ເຮົາ ເປັນ​ສຳ­ນັກ­ງານ​ຕົວ​ແບບ​ໃນ​ການ​ປະ­ຕິ­ບັດ​ນະ­ໂຍ­ບາຍ 6 ສ ທັງ​ໃນ​ສະ­ເພາະ​ໜ້າ ແລະ ຍາວ​ນານ ຕົ້ນ­ໄມ້​ທີ່​ນຳ​ມາ​ປູກ​ຄັ້ງ​ນີ້ ມີ ຕົ້ນ​ຈຳ­ປາ (ຕົ້ນ­ໄມ້​ປະ­ຈຳ​ຊາດ) ຕົ້ນ­ໄມ້​ອຸດ­ສາ­ຫະ­ກຳ ແລະ ຕົ້ນ­ໄມ້​ປະ­ດັບ ທັງ​ນີ້​ກໍ​ເພື່ອ​ເຮັດ​ໃຫ້​ຫ້ອງ​ວ່າ­ການ​ນະ­ຄອນ­ຫຼວງ​ວຽງ​ຈັນ ກາຍ­ເປັນ​ອຸ­ທິ­ຍານ​ທີ່​ຈົບ­ງາມ​ໃຫ້​ລູກ​ຫຼານ​ຂອງ​ພວກ​ເຮົາ​ໃນ​ອະ­ນາ­ຄົດ.

ຂ່າວ​ແຈ້ງ​ໃຫ້​ຮູ້​ວ່າ: ຂະ­ແໜງ​ລ້ຽງ­ສັດ ແລະ ການ​ປະ­ມົງ ຮ່ວມ​ກັບ​ຂະ­ແໜງ​ປູກ­ຝັງ​ນະ­ຄອນ­ຫຼວງ​ວຽງ​ຈັນ ປູກ​ໄມ້​ອຸ­ສາ​ຫະ​ກຳ​ຈຳ­ນວນ 150 ຕົ້ນ ໃສ່​ບໍ­ລິ­ເວນ​ເນື້ອ­ທີ່​ດ່ານ​ກັກ​ກັນ​ພືດ ແລະ ສັດ ສະ­ຖາ­ນີ​ລົດ­ໄຟ​ທ່າ​ນາ​ແລ້ງ ໃນ​ເນື້ອ­ທີ່ 2 ເຮັກ­ຕາ ໂດຍ​ໄດ້​ຈັດ​ຕັ້ງ​ກັນ​ປູກ​ໃນ​ວັນ​ທີ 10 ມິ­ຖຸ­ນາ 2011 ຜ່ານ​ມາ ຊຶ່ງ​ມີ​ທ່ານ ດຣ.ຫຼ້າ​ສາຍ ນວນ​ທາ​ສິງ ຫົວ­ໜ້າ​ຂະ­ແໜງ​ປູກ­ຝັງ​ນະ­ຄອນ­ຫຼວງ​ວຽງ​ຈັນ ເຂົ້າ​ຮ່ວມ ຊຶ່ງ​ຕົ້ນ­ໄມ້​ທີ່​ນຳ​ມາ​ປູກ ມີ ໄມ້​ສັກ ໄມ້​ແຕ້​ຂ່າ ໄມ້​ຂະ​ຍູງ ໄມ້​ດູ່​ລາຍ ກະ­ຖິນ ເທ­ພາ ສະ​ຝາງ​ແດງ ແລະ ຕົ້ນ​ດອກ​ຄູນ

ກະ­ຊວງ​ພະ­ລັງ­ງານ ແລະ ບໍ່​ແຮ່ ຮ່ວມ​ກັບ​ອົງ­ການ​ຊັບ­ພະ­ຍາ­ກອນ​ນ້ຳ ແລະ ສິ່ງ­ແວ­ດລ້ອມ ໄດ້​ຈັດ​ກອງ​ປະ­ຊຸມ​ຖອດ​ຖອນ​ບົດ­ຮຽນ​ກ່ຽວ​ກັບ​ການ­ຈັດ­ຕັ້ງ​ປະ­ຕິ­ບັດ​ວຽກ​ງານ​ສິ່ງ­ແວ­ດລ້ອມ ແລະ ສັງ­ຄົມ​ຂອງ​ໂຄງ­ການ​ລົງ­ທຶນ​ໃນ​ຂະ­ແໜງ​ພະ­ລັງ­ງານ ແລະ ບໍ່​ແຮ່ ລະ­ຫວ່າງ​ວັນ​ທີ 22-23 ມິ­ຖຸ­ນາ 2011 ຢູ່​ສູນ​ຮ່ວມ​ມື​ສາ­ກົນ ແລະ ການ​ເຝິກ­ອົບ­ຮົມ ໂດຍ​ເປັນ​ປະ­ທານ​ຂອງ​ທ່ານ ອາ​ຊາງ ລາວ​ລີ ຮອງ​ນາ­ຍົກ­ລັດ­ຖະ­ມົນ­ຕີ ປະ­ທານ​ຄະ­ນະ​ກຳ­ມະ­ການ​ສິ່ງ­ແວ­ດລ້ອມ​ແຫ່ງ​ຊາດ ເຊິ່ງ​ມີ​ບັນ­ດາ​ລັດ­ຖະ­ມົນ­ຕີ ເຈົ້າ­ແຂວງ ແລະ ພາກ­ສ່ວນ​ກ່ຽວ­ຂ້ອງ​ເຂົ້າ​ຮ່ວມ.

ໃນຕອນເຊົ້າຂອງວັນທີ 7 ມີຖຸນາ 2011 ອົງການ ຊັບພະຍາກອນນຳ້ ແລະ ສິ່ງແວດລ້ອມ, ກົມສິ່ງແວດລ້ອມ ໄດ້ເປີດກອງປະຊຸມຝືກອົບຮົມ ກ່ຽວກັບ ການຍົກລະດັບຄວາມອາດສາມາດການປັບຕົວເຂົ້າກັບການປ່ຽນແປງ

ດິນຟ້າອາກາດ ກອງປະຊຸມດັ່ງກ່າວໄດ້ໄຂຂື້ນທີ່ແຂວງວຽງຈັນ

ນາ­ຍົກ­ລັດ­ຖະ­ມົນ­ຕີ ອອກ​ມະ­ຕິ​ຕົກ­ລົງ​ເຫັນ​ດີ ຮັບ­ຮອງ​ເອົາ​ບັນ­ຊີ​ສັດ​ນ້ຳ ແລະ ສັດ­ປ່າ ປະ­ເພດ​ຫວງ​ຫ້າມ ຫຼື ບັນ­ຊີ I ແລະ ປະ­ເພດ​ຄຸ້ມ​ຄອງ ຫຼື ບັນ­ຊີ II ຕາມ​ທີ່​ໄດ້​ກຳ­ນົດ ໄວ້​ໃນ​ມາດ­ຕາ​ທີ ໒໒ ຂອງ​ກົດ­ໝາຍ​ວ່າ​ດ້ວຍ​ສັດ​ນ້ຳ ແລະ ສັດ­ປ່າ ມີ​ຄື​ດັ່ງ​ລຸ່ມ​ນີ້.