|
ອຊນສ ສະເຫຼີມສະຫຼອງ ວັນແມ່ຍິງສາກົນ |
 |
 |
 |
|
Written by Daravanh LUANGKHOT
|
|
Wednesday, 25 March 2009 09:39 |
|
ໃນວັນທີ 20 ມີນາ 2009 ທີ່ຜ່ານມາ, ຢູ່ທີ່ສະໂມສອນ ກົມອຸຕຸນິຍົມ ແລະ ອຸທົກກະສາດ ອຊນສ ໄດ້ຈັດໃຫ້ມີການສະເຫຼີມ ສະຫຼອງວັນແມ່ຍິງສາກົນຂຶ້ນ ໂດຍການໃຫ້ກຽດເຂົ້າຮ່ວມຂອງ ທ່ານ ສີສະຫວັດ ວິທະໄຊ ຄະນະເລຂາໜ່ວຍພັກ ອຊນສ. ເຊິ່ງໃນຕອນເຊົ້າຂອງວັນດັ່ງກ່າວ ໄດ້ມີການຜ່ານບົດສະຫຼຸບການເຄື່ອນໄຫວຂອງແມ່ຍິງ ອຊນສ ໃນ 1 ປີ ຜ່ານມາ ແລະ ແຜນການຕໍ່ໜ້າ. ນອກນັ້ນ ຍັງຍ້ອງຍໍສະມາຊິກແມ່ຍິງດີເດັ່ນ ແລະ ປະກາດການຈັດຕັ້ງຄະນະສະຫະພັນແມ່ຍິງ ອຊນສ. ສຸດທ້າຍແມ່ນ ຮັບຟັງປາຖະກະຖາ ຈາກ ທ່ານ ນ. ຈັນດີ ປັນແກ້ວ ຫົວໜ້າ ຄະນະກຳມາທິການ ຄວາມກ້າວໜ້າຂອງແມ່ຍິງແຫ່ງຊາດລາວ ໃນຫົວຂໍ້ ການຈັດຕັ້ງ ແລະ ການເຄື່ອນໄຫວຂອງຄະນະກຳມາທິການເພື່ອຄວາມກ້າວໜ້າຂອງແມ່ຍິງ. ຈາກນັ້ນ ມາໃນຕອນບ່າຍຂອງວັນດຽວກັນ ໄດ້ມີການແຂ່ງຂັນກິລາ ແລະ ຮ່ວມເຮັດກິດຈະກຳ ຕ່າງໆລະຫວ່າງແມ່ຍິງຂອງແຕ່ລະກົມ, ກອງ ແລະ ສະຖາບັນ ຕ່າງໆ ທີ່ຂຶ້ນກັບ ອຊນສ.
ພາບບັນຍາກາດພາຍໃນງານ ທ່ານ ນ. ຈັນດີ ປັນແກ້ວ ຫົວໜ້າຄະນະກຳມາທິການຄວາມກ້າວໜ້າຂອງແມ່ຍິງແຫ່ງຊາດລາວ ຄາບບ່ວງຕັກປິ່ງປ່ອງ ການແຂ່ງຂັນ ເປຕັງ ແລ່ນສາມຂາ ການແຂ່ງຂັນ ບານສົ່ງ ຍິງ-ຊາຍ ການແຂ່ງຂັນ ດຶງເຊືອກ ບັນດາຜູ້ຊົມ ແລະ ກອງເຊຍ ອຊນສ |
