(ຂປລ) ຄະນະກຳມາທິການ ​ແມ່​ນ້ຳຂອງ​ສາກົນ ​ປະ​ຈຳ​ຢູ່​ນະຄອນຫລວງ​ວຽງ​ຈັນ ໄດ້​ຄາດ​ຄະ​​ເນກ່ຽວ​ກັບ​ການ​ເພີ່ມ​ຂຶ້ນຂອງ​ປະລິມານ​ນ້ຳຂອງ ​ນັບ​ແຕ່ 26-30 ສິງຫາ 2010 ນີ້ວ່າ: ​ແຂວງຈຳປາ​ສັກ ​​ເປັນ​ເຂດ​ທີ່​ມີ​ຄວາມ​ສ່ຽງ​ສູງ​ທີ່​ຈະ​ເກີດ​ນ້ຳ​ຖ້ວຍ​ໄດ້​ງ່າຍ​ໃນ​ໄລຍະ​ ນີ້ ເນື່ອງຈາກ​ວ່າຕົວ​ເລກທີ່​ມີ​ການ​ລາຍ​ງານ​ຕາມ​ວິຊາ​ກາ​ນ ​ໄດ້​ຊີ້​ ໃຫ້​ເຫັນ ຄື​ໃນ​ວັນ​ທີ 30 ສິງຫາ 2010 ນີ້​ປະລິມານ​ນ້ຳຂອງ ຈະ​ຖີບ​ໂຕ​ສູງ​ຂຶ້ນ​ເຖິງ 11,6 ແມັດ ພ້ອມ​ດຽວ​ກັນ​ນັ້ນ​ເຂດ​ກຳນົດ​ທີ່​ມີ​ການ​ວັດ​ແທກ​ຈະ​ຖ້ວມ​ແມ່ນ​ມີ​ພຽງ 12,00 ແມັດ ​ເທົ່າ​ນັ້ນ ຂະນະ​ທີ່ກົມ​ອຸຕຸ​ນິຍົມ ​ແລະ ອຸ​ທົກ​ກະ ສາ​ດ ​ໄດ້​ເປີດ​ເຜີຍ​​ໃນ​ວັນ​ທີ 25 ສິງຫາ​ນີ້​ວ່າ: ລົມ​ພະຍຸ​ມີນດູ​ນລີ (MINDULLE) ຫົວທີ 5 ໄດ້​ເຄື່ອນ​ເຂົ້າ​ແຂວງ​ບໍລິ​ຄຳ​ໄຊ ​ແລະ ຄຳ​ມ່ວນ​ ແລ້ວ ​ແລະ ພະຍຸ​ຈະ​ສືບ​​ຕໍ່​ມຸ້ງ​ໜ້າ​ເຂົ້າ​ໄປ, ​​ແຂວງ​ວຽງ​ຈັນ, ແຂວງ​ຊຽງ​ຂວາງ, ​ແຂວງ​ຫລວງ ​ພະ​ບາງ, ອຸດົມ​ໄຊ, ບໍ່​ແກ້ວ ​ແລະ ຫລວງ​ນ້ຳ​ທາ ຊຶ່ງ​ເຮ​ັດ​ໃຫ້​ຫລາຍ​ເຂດ​ມີ​ຝົນຕົກ.

ຕາມ​ການ​ເປີດ​ເຜີຍ​ຂອງ ທ່ານ ດາ​ມຽນ (Damian Kean) ເຈົ້າ​ໜ້າ​ທີ່​ ຈາກ​ຄະນະ​ກຳມາທິການແມ່ນໍ້າຂອງສາກົນ ​ປະ​ຈຳ​ຢູ່​ນະຄອນຫລວງ​ວຽງ​ຈັນ ​ໄດ້​ລາຍ​ງານ​ໃນ​ວັນ​ທີ 25 ສິງ ຫາ 2010 ນີ້​ວ່າ: ໜ່ວຍ​ງານ​ວິຊາ​ການ​ ໄດ້​ມີ​ການ​ຄາດ ​ຄະ​​ເນ​ເບື້ອງ​ຕົ້ນ​ ກ່ຽວ​ກັບການ ຄາດຄະເນ​ລະດັບ​ນ້ຳ​ເໜັງ​ຕີງ ​ແລະ ​ເພີ່ມ​ຂຶ້ນ ​ແຕ່ວັນ​ທີ 26-30 ສິງຫາ​ມີ​ດັ່ງ​ນີ້: ນະຄອນ ຫລວງ​ວຽງ​ຈັນ​ຈະ​​ເພີ່ມ​ຂຶ້ນ 8,55 ແມັດ-9,40 ແມັດ, ​ແຕ່​ລະດັບ​ທີ່​ສ່ຽງ ຫລື ຖ້ວມ​ແມ່ນ 12,50 ແມັດ, ​ແຂວງ​ ຫລວງ​ ພະ​ບາງ​ລະດັບ​ນ້ຳ​ຈະ​ເພີ່ມ​ຂຶ້ນ​ຈາກ 10,45 ແມັດ-12,90 ແມັດ (ຈຸດ​ອັນຕະລາຍ​ ຫລື ຖ້ວມ​ທີ່​ໄດ້​ກຳນົດ​ແມ່ນ 18,00 ແມັດ) ແລະ ​ແຂວງ​ຈຳປາ​ສັກ ​ລະດັບ​ ນ້ຳ​ຈະ​ເພີ່ມ​ຂຶ້ນ​ຈາກ 9,60 ແມັດ-11,60 ແມັດ (​ ຈຸດ​ອັນຕະລາຍ ຫລື ຖ້ວມ​ແມ່ນ 12,00 ແມັດ).ແນວ​ໃດ​ກໍ​ດີ ກົມ​ອຸ​ນິຍົມ ​ແລະ ອຸ​ທົກ​ກະສາ​ດ​ ໄດ້​ອອກ​ແຈ້ງ​ ເຕືອນໄພ​ພະຍຸ ​ແລະ ຝົນຕົກ​ໜັກ​ເພີ່ມ​ຕື່ມ​ອີກ​ວ່າ: ລົມ​ພະຍຸ​ມີນດູ​ນລີ​ຫົວທີ 5 ໄດ້​ສືບ​ຕໍ່​ເຂົ້າ​ເຂດພາກ​ກາງ​ປະ​ເທດ​ຫວຽດນາມ ​ແລະ ​ໄດ້​ອອ່ນກຳລັງ​ແຮງ​ລົງ ​ເປັນ​ພະຍຸ​ເດ​ເປ​ລດຊົງ​ ແລ້ວ ຈະ​ຜ່ານ​ເຂົ້າ​ແຂວງ​ ຊຽງ​ ຂວາງ​ໃນ​ຕອນ​ເຊົ້າ​ເວລາ 7 ໂມງຂອງ​ວັນ​ທີ 25 ສິງຫາ​ນີ້ ຊຶ່ງມີ​ຈຸດ​​ໃຈກາງ​ຢູ່​ເສັ້ນ​ຂະໜານ​ທີ 19,0 ອົງສາ​ເໜືອ, ​ເສັ້ນ​ແວງ 104,0 ອົງສາ​ຕາ​ເວັນ​ອອກ ​ແລະ ກຳ ລັງ​ສືບ​ຕໍ່​ເຄື່ອນ​ທີ່​ຊ້າໆ​ເຂົ້າ​ແຂວງ​ຫລວພະ​ບາງ, ອຸດົມ​ໄຊ, ບໍ່​ແກ້ວ ​ແລະ ຫລວງ​ນ້ຳ​ທາ ຈະ​ກໍ່​ໃຫ້​ເກີດ​ຟ້າ​ຄະນອງ ​ແລະ ມີ​ຝົນ​ຕົກ​ໝັກ​ໃນ​ບາງ​ເຂດ ​ໂດຍ​ສະ​ເພາະ ​ແມ່ນ ​ແຂວງ​ວຽງ​ຈັນ ແລະ ບໍລິ​ຄຳ​ໄຊ ຈະ​ມີ​ລົມ​ແຮງ ​ແລະ ຝົນຕົກ​ໝັກ. ສະ​ນັ້ນ ທາງ​ກົມ​ອຸຕຸນິຍົມ ​ແລະ​ ອຸ​ທົກ ​ກະສາ​ດ ຈຶ່ງ​ໄດ້​ແຈ້ງ​ເຕືອນ​ເຖິງ​ອຳນາດ ​ການ​ປົກ​ ຄອງ​ ແລະ ​ພໍ່​ແມ່​ປະຊາຊົນ​ຊົນ ​ທີ່ຢູ່​ລຽບ​ຕາມແມ່​ນ້ຳ​ສາ​ຂາຕ່າງໆ, ຢູ່​ເຂດ​ບໍລິ​ເວນ​ຮ່ອມ​ພູ​ທີ່​ມີ​ຄວາມ​ສ່ຽງ ​ແລະ ລວມ​ເຖິງ​ການ​ສັນຈອນ​ໄປ​ມາ​ດ້ວຍ​ລົດ ​ຈົ່ງ​ເພີ່ມ​ສະ ຕິ​ລະມັດລະວັງ​ຕໍ່​ສະພາບ​ນ້ຳ​ຖ້ວມ​ກະທັນຫັນ ແລະ ດິນ​ເຈື່ອນທີ່​ອາດ​ຈະ​ເກີດ​ຂຶ້ນ​ໄດ້​ງ່າຍ.

ສ່ວນ​ນັກວິຊາການ ​ດ້ານ​ຊັບພະ​ຍາ​ກອນນ້ຳ ແລະ ສິ່ງ​ແວດ​ລ້ອມ ກໍໄດ້​ມີ​ການ​ລາຍ​ງານ​ວ່າ: ຖ້າ​ຝົນ​ສືບ​ຕໍ່​ຕົກ​ຫລາຍ​ວັນ​ ອາດ​ຈະ​ເຮັດ​ໃຫ້​ແມ່​ນ້ຳຂອງ​ເພີ່ມ​ ຂຶ້ນ​ຕາມ ​ລຳດັບ ​ແລະ ຈະ​ກໍ່​ໃຫ້​ເກີດ​ມີ​ຄວາມ​ສ່ຽງ​ ກ່ຽວ​ກັບ​ນ້ຳ​ຖ້ວມ​ໄດ້​ສູງ ​ເນື່ອງ​ຈາກ ​ພະຍຸ​ຍັງ​ສືບ​ຕໍ່​ເຄື່ອນ​ເຂົ້າ​ມາ​ພາກ​ເໜືອ​ຂອງ​ລາວ​​ເປັນ​ໄລຍະ ກ່ຽວ​ກັບ​ບັນຫາ​ດັ່ງ​ນີ້​ ຈະ ​ເພີ່ມ ​ປະລິມານ​ນ້ຳ​ໃນ​ແມ່​ນ້ຳຂອງ ເພີ່ມ​ຂຶ້ນ​ຕື່ມ​ອີກ