ເນື່ອງ​ໃນ​ໂອ­ກາດ​ວັນ­ເດັກ­ນ້ອຍ​ສາ­ກົນ ວັນ​ທີ 1 ມິ­ຖຸ­ນາ ຊຶ່ງ​ເປັນ​ວັນ​ທີ່​ມີ​ຄວາມ​ໝາຍ​ສຳ­ຄັນ​ທາງ​ດ້ານ​ປະ­ຫວັດ­ສາດ​ສຳ­ລັບ​ ເດັກ­ນ້ອຍ​ໃນ​ທົ່ວ​ໂລກ ກໍ​ຄື​ເດັກ­ນ້ອຍ​ລາວ​ບັນ­ດາ­ເຜົ່າ ແລະ ວັນ​ປູກ​ຕົ້ນ­ໄມ້​ແຫ່ງ​ຊາດ ທີ່​ໄດ້​ໝູ­ນວຽນ​ມາ​ຄົບ­ຮອບ​ອີກ​ເທື່ອ​ໜຶ່ງ.

ຕອນ​ເຊົ້າ​ວັນ​ທີ 31 ພຶດ­ສະ­ພາ 2011 ນີ້ ສູນ​ກາງ​ຊາວ​ໜຸ່ມ ປປ ລາວ ໄດ້​ຈັດ​ພິ­ທີ​ປູກ​ຕົ້ນ­ໄມ້​ຢູ່​ທີ່​ບໍ­ລິ­ເວນ​ເດີ່ນ​ຫໍ​ພິ​ພິ​ທະ​ພັນ​ ໄກ­ສອນ ພົມ­ວິ­ຫານ ໂດຍ​ໃຫ້​ກຽດ​ເຂົ້າ​ຮ່ວມ​ຂອງ​ທ່ານ ຈູມ​ມາ­ລີ ໄຊ​ຍະ​ສອນ ເລ­ຂາ­ທິ­ການ​ໃຫຍ່ ຄະ­ນະ​ບໍ­ລິ­ຫານ​ງານ​ສູນ​ກາງ​ພັກ ປະ­ທານ​ປະ­ເທດ ແຫ່ງ ສປປ ລາວ ທ່ານ ດຣ.ທອງ​ລຸນ ສີ​ສຸ​ລິດ ຮອງ​ນາ­ຍົກ­ລັດ­ຖະ­ມົນ­ຕີ ລັດ­ຖະ­ມົນ­ຕີ​ວ່າ­ການ​ກະ­ຊວງ​ການ​ຕ່າງ­ປະ­ເທດ ປະ­ທານ​ຄະ­ນະ​ກຳ­ມາ​ທິ​ການ​ເພື່ອ​ແມ່ ແລະ ເດັກ​ແຫ່ງ​ຊາດ ທ່ານ​ຫົວ­ໜ້າ​ຫ້ອງ​ວ່າ­ການ​ສູນ​ກາງ​ພັກ ທ່ານ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ ພ້ອມ​ດ້ວຍ​ລັດ­ຖະ­ມົນ­ຕີ ແລະ ນ້ອງ​ນ້ອຍ ​ເຍົາ­ວະ​ຊົນ-ຊາວ​ໜຸ່ມ.

ການ​ປູກ​ຕົ້ນ­ໄມ້​ຄັ້ງ​ນີ້ ແມ່ນ​ໄດ້​ນຳ​ເອົາ​ຕົ້ນ​ຈຳ­ປາ ເຊິ່ງ​ເປັນ­ຕົ້ນ​ໄມ້​ປະ­ຈຳ​ຊາດ​ຂອງ​ລາວ ແລະ ຕົ້ນ­ໄມ້​ປະ­ດັບ​ຈຳ­ນວນ​ຫຼາຍ​ຕົ້ນ ມາ​ປູກ​ເພື່ອ​ເຮັດ​ໃຫ້​ສະ­ຖານ­ທີ່​ດັ່ງ­ກ່າວ​ມີ​ຄວາມ​ສວຍ​ງາມ ທັງ​ນີ້​ກໍ​ເພື່ອ​ເປັນ​ການ​ປະ­ຕິ­ບັດ​ນະ­ໂຍ­ບາຍ 6 ສ (ສີ­ຂຽວ) ຂອງ​ນະ­ຄອນ­ຫຼວງ ແລະ ເປັນ​ການ​ປູກ​ຈິດ​ສຳ­ນຶກ​ໃຫ້​ນ້ອງ​ນ້ອຍ​ເຍົາ­ວະ​ຊົນ​ຜູ້​ທີ່​ສືບ​ທອດ​ປະ­ເທດ ​ຊາດ ຮູ້​ຄຸນ­ຄ່າ​ຂອງ​ປ່າ­ໄມ້ ກໍ​ຄື​ຊັບ­ພະ­ຍາ­ກອນ​ທຳ​ມະ​ຊາດ ພ້ອມ​ໃຈ​ກັນ​ມາ​ປົກ​ປັກ​ຮັກ­ສາ​ສະ­ພາບ​ແວດ​ລ້ອມ​ໃຫ້​ນັບ​ມື້​ຫຼາຍ​ຂຶ້ນ ສ້າງ​ໂລກ​ເຮົາ​ໃຫ້​ເປັນ​ໂລກ​ທີ່​ໜ້າ​ຢູ່.