|
ມອບ-ຮັບໜ້າທີ່ ລັດຖະມົນຕີ ວ່າການກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ |
 |
 |
 |
|
ຂຽນໂດຍ Som Oula YAPHICHIT
|
|
ວັນຈັນທີ່ 18 ກໍລິກົດ 2011 ເວລາ 08: 29 |
|
(ໂດຍປະຕິບັດ ຕາມມະຕິຄຳສັ່ງ ຂອງກອງປະຊຸມຄັ້ງປະຖົມມະເລີກຂອງສະພາແຫ່ງຊາດຊຸດທີ VII ວ່າດ້ວຍການຮັບຮອງເອົາໂຄງປະກອບກົງຈັກລັດຖະບານສະໄຫມທີ VII ແລະ ອິງຕາມ ລັດຖະດຳ ລັດຂອງປະທານປະເທດ ສ ປ ປ ລາວ ວ່າດ້ວຍການແຕ່ງຕັ້ງພະນັກງານການນຳຂັ້ນສູງຮັບໜ້າທີ່ໃຫມ່) ອົງການ ຊັບພະຍາກອນນ້ຳ ແລະ ສິ່ງແວດລ້ອມ ໄດ້ຈັດພິທິຮັບໜ້າທີ ລະຫວ່າງ ທ່ານ ນ.ເຂັມແພງ ພົນເສນາ, ລັດຖະມົນຕີ ປະຈຳສຳນັກງານນາຍົກ, ຫົວໜ້າ ອົງການ ຊັບພະຍາກອນນ້ຳ ແລະ ສິ່ງແວດລ້ອມ ແລະ ທ່ານ ນູລິນ ສິນບັນດິດ, ລັດຖະມົນຕີວ່າການ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ພາຍໃນວັນທີ 15 ກໍລະກົດ 2011 ໂດຍເປັນກຽດເຂົ້າຮ່ວມຂອງ ທ່ານ ທອງສິງ ທຳມະວົງ, ກຳມະການກົມການເມືອງສູນກາງພັກ, ນາຍົກລັດຖະມົນຕີ, ນອກນັ້ນຍັງມີ ລັດຖະມົນຕີວ່າການ, ລັດຖະມົນຕີຊ່ວຍ, ຜູ້ຕາງໜ້າຈາກຄະນະຈັດຕັ້ງສູນກາງພັກ, ຫ້ອງວ່າການລັດຖະບານ ແລະ ບັນດາພະນັກງານການນຳຫຼັກແຫຼ່ງ ຈາກ ອົງການ ຊັບພະຍາກອນນ້ຳ ແລະ ສິ່ງແວດລ້ອມ.
ໃນພິທີດັ່ງກ່າວ ທ່ານ ນ. ເຂັມແພງ ພົນເສນາ ກໍໄດ້ຂື້ນລາຍງານການຊີີ້ນຳ-ນຳພາເຄື່ອນໄຫວວຽກງານຂອງ ອົງການ ຊັບພະຍາກອນນ້ຳ ແລະ ສິ່ງແວດລ້ອມ ໃນໄລຍະ 4 ປີຜ່ານມາ ທັງດ້ານດີ ແລະ ດ້ານທີ່ຕ້ອງໄດ້ສືບຕໍ່ເອົາໃຈໃສ່ແກ້ໄຂໃນຕໍ່ໜ້າ. ຈາກນັ້ນ ທ່ານນາຍົກລັດຖະມົນຕີ ກໍ່ໄດ້ໃຫ້ກຽດໂອ້ລົມ ແລະ ໃຫ້ຄຳໂອວາດໃນການສຶບຕໍ່ປະຕິບັດໜ້າທີ່ການເມືອງ ແລະ ຄວາມຮັບຜິດຊອບໂດຍຫັນເອົາ 4 ບຸກທະລຸໃຫ້ເປັນແຜນການ ແລະ ແຜນງານອັນລະອຽດ ແນໃສ່ເພື່ອເຮັດຫຼ້ອນໜ້າທີ່ການເມືອງໃຫ້ສົມກັບການໄວ້ເນື້ອເຊື່ອໃຈ ຂອງພັກຂອງລັດມອບໝາຍ ແລະ ເພື່ອຕອບສະໜອງຄວາມຮຽກຮ້ອງຕ້ອງການຂອງວຽກງານໄລຍະໃຫມ່.
ໃນຕອນທ້າຍ ທ່ານ ນູລິນ ສິນບັນດິດ, ລັດຖະມົນຕີ ວ່າການກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ກໍ່ໄດ້ຂື້ນກ່າວຮັບໜ້າທີ່ໃຫມ່ ພ້ອມທັງໃຫ້ຄຳຫມັ້ນສັນຍາວ່າ ຈະສຸມທຸກສະຕິປັນຍາ ແລະ ເຫື່ອແຮງຂອງຕົນໃນການຊີ້ນຳ-ນຳພາ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ໃຫ້ປະຕິບັດຕາມພາລະບົດບາດຂອງຕົນ ດ້ວຍຄວາມເອົາໃຈໃສ່ ເພື່ອຕອບສະໜອງຄວາມຮຽກຮ້ອງຕ້ອງການຂອງວຽກງານໃນໄລຍະໃຫມ່ ແລະ ຕັ້ງໜ້າປະກອບສ່ວນເຂົ້າໃນການຈັດຕັ້ງພັນຂະຫຍາຍມະຕິກອງປະຊຸມໃຫຍ່ຄັ້ງທີ່ IX ຂອງພັກກໍຄື ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VII ໃຫ້ບັນລຸຜົນສຳເລັດເປັນກ້າວໆ.
|
|
LAST_UPDATED2 |
