|
ພິທີມອບ-ຮັບໜ້າທີ່ ລະຫວ່າງ ທ່ານ ຄຳອ້ວນ ບຸບຜາ, ລັດຖະມົນຕີປະຈຳສຳນັກງານນາ ຍົກລັດຖະມົນຕີ, ຫົວໜ້າອົງການຄຸ້ມຄອງທີ່ດິນແຫ່ງຊາດ ແລະ ທ່ານ ນູລິນ ສິນບັນດິດ, ລັດຖະມົນຕີວ່າການກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ຈັດຂຶ້ນໃນວັນທີ 29 ກໍລະກົດ 2011 ທີ່ຫ້ອງວ່າ ການລັດຖະບານ ໂດຍການໃຫ້ກຽດເຂົ້າຮ່ວມຂອງ ທ່ານ ອາຊາງ ລາວລີ, ກຳມະການກົມການເມືອງສູນກາງພັກ, ຮອງນາຍົກລັດຖະມົນຕີ ທັງເປັນປະທານ ຄະນະປັບປຸງກົງຈັກລັດຖະບານ ມີບັນດາພະນັກງານຂັ້ນສູງທີ່ກ່ຽວຂ້ອງ ເຂົ້າຮ່ວມເປັນສັກຂີພິຍານ.
ໃນພິທີທີ່ມີຄວາມໝາຍສຳຄັນນີ້ ທ່ານ ຄຳອ້ວນ ບຸບຜາ ໄດ້ຂຶ້ນລາຍງານການຈັດຕັ້ງປະຕິບັດວຽກງານຂອງອົງການຄຸ້ມຄອງທີ່ດິນ ແຫ່ງຊາດ ຕະຫລອດໄລ ຍະຜ່ານມາ ອັນພົ້ນເດັ່ນແມ່ນວຽກງານເກັບກຳຂໍ້ມູນຈາກທີ່ດິນ, ການສຳຫລວດຈັດສັນທີ່ດິນ, ການອອກໃບຕາດິນ, ການກວດກາການນຳໃຊ້ທີ່ດິນ, ວຽກງານ ຄຸ້ມຄອງ-ບໍລິຫານທີ່ດິນ ແລະ ອື່ນໆ. ສິ່ງສຳຄັນແມ່ນການຜັນຂະຫຍາຍທິດນຳ, ນະໂຍບາຍຂອງພັກ-ລັດຖະບານໃນການຄຸ້ມຄອງທີ່ດິນ, ການປົກປັກຮັກສາ ແລະ ນຳໃຊ້ທີ່ດິນໃຫ້ເກີດຜົນປະໂຫຍດສູງສຸດ, ຮັບປະກັນບໍ່ໃຫ້ເກີດຜົນກະທົບດ້ານສິ່ງແວດລ້ອມ ແລະ ສັງຄົມ.
ດັ່ງນັ້ນ ເພື່ອແນໃສ່ເສີມຂະຫຍາຍບັນດາ ທ່າແຮງບົ່ມຊ້ອນ ໃນດ້ານຊັບພະຍາກອນທຳມະຊາດ, ນຳໃຊ້ກຳລັງແຮງສັງລວມເຂົ້າໃນການສ້າງສາພັດທະນາປະເທດ ເພື່ອໃຫ້ ບັນຄາດໝາຍທີ່ວາງ ໄວ້ໃນມະຕິກອງປະຊຸມໃຫຍ່ຄັ້ງທີ IX ຂອງພັກ ແລະ ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ 7 ໃຫ້ບັນລຸຕາມລະດັບຄາດໝາຍ ໂດຍສະເພາະແມ່ນ ບຸກທະລຸ ໃນຂົງເຂດຊັບພະຍາກອນທຳມະຊາດ ແລະ ສິ່ງແວດລ້ອມ ລັດຖະບານຈຶ່ງໄດ້ຕົກລົງໂອນວຽກງານທີ່ດິນໄປຮວມກັບ ກະຊວງຊັບພະຍາກອນ ທຳມະຊາດ ແລະ ສິ່ງແວດລ້ອມ ໂດຍມີທ່ານ ນູລິນ ສິນບັນດິດ ເປັນລັດຖະມົນຕີວ່າການ ເພື່ອສ້າງເງື່ອນໄຂໃຫ້ກະຊວງໃໝ່ນີ້ ໄດ້ນຳໃຊ້ຫລາຍຮູບການ, ຫລາຍ ວິທີການ ແລະ ກຳລັງແຮງປະກອບສ່ວນ ເຂົ້າໃນການເຄື່ອນໄຫວວຽກງານ.
ໃນຕອນທ້າຍຂອງພິທີ ທ່ານ ອາຊາງ ລາວລີ ໄດ້ໃຫ້ກຽດໂອ້ລົມ ໂດຍທ່ານໄດ້ຮຽກຮ້ອງໃຫ້ການນຳທຸກຂັ້ນ ຂອງກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ທີ່ສ້າງຕັ້ງໃໝ່ ເອົາໃຈໃສ່ຊີ້ນຳ-ນຳພາ ພະນັກງານ, ວິຊາການທຸກຂັ້ນເຄື່ອນໄຫວວຽກງານຢ່າງຕັ້ງໜ້າ ເພາະວ່າວຽກງານວິຊາສະເພາະໄດ້ກວມເອົາ ຫລາຍຂົງເຂດ ແຕ່ວຽກງານສ່ວນໃຫຍ່ ກໍຍັງແມ່ນວຽກງານຂອງອົງການຊັບພະຍາກອນນ້ຳ ແລະ ສິ່ງແວດລ້ອມ, ນອກນີ້ ຍັງມີບາງວຽກທີ່ໂອນມາຈາກ ກະຊວງກະສິກຳ ແລະ ປ່າໄມ້, ກະຊວງພະລັງງານບໍ່ແຮ່ ແລະ ອົງການຄຸ້ມຄອງທີ່ດິນແຫ່ງຊາດ. ດັ່ງນັ້ນ ບັນຫາຮີບດ່ວນແມ່ນຕ້ອງຄົ້ນຄວ້າກຳນົດພາລະ ບົດບາດໜ້າທີ່ ໃຫ້ຖືກຕ້ອງເໝາະສົມ ສາມາດເປັນເສນາທິການໃຫ້ລັດຖະບານຢ່າງເຕັມສ່ວນ ພ້ອມນີ້ ກໍຕ້ອງກຳນົດຢ່າງຈະແຈ້ງ ກ່ຽວກັບພາລະບົດບາດ, ໜ້າທີ່ ແລະ ສິດຂອງກົງຈັກຊ່ວຍວຽກຂັ້ນກົມ ໂດຍສະເພາະແມ່ນກົມທີ່ຍົກຍ້າຍໂອນມາໃໝ່ |
