|
ມອບ-ຮັບຂະແໜງທໍລະນີສາດ ຂຶ້ນກັບກະຊວງໃໝ່ |
 |
 |
 |
|
ຂຽນໂດຍ Som Oula YAPHICHIT
|
|
ວັນຈັນທີ່ 15 ສິງຫາ 2011 ເວລາ 14: 40 |
|
ພິທີເຊັນບົດບັນທຶກການມອບ-ຮັບຂະແໜງທໍລະນີສາດ ລະຫວ່າງກະຊວງພະລັງງານ ແລະ ບໍ່ແຮ່ ແລະ ກະຊວງຊັບພະຍາ ກອນທຳມະຊາດ ແລະ ສິ່ງແວດລ້ອມ ໄດ້ຈັດຂຶ້ນໃນວັນທີ 12 ສິງ ຫາ 2011 ທີ່ກົມທໍລະນີສາດ ລະຫວ່າງທ່ານ ສຸລິວົງ ດາລາວົງ ລັດຖະມົນຕີວ່າການກະຊວງພະລັງງານ ແລະ ບໍ່ແຮ່ ແລະ ທ່ານ ນູລິນ ສິນບັນດິດ ລັດຖະມົນຕີວ່າການ ກະຊວງ ຊັບພະຍາກອນທຳມະຊາດ ແລະ ສິ່ງແວດລ້ອມ ໂດຍມີຫົວໜ້າກົມ ຮອງກົມ ພະນັກງານ ວິຊາການ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານ ສຸລິວົງ ດາລາວົງ ໄດ້ກ່າວວ່າ: ເພື່ອເຮັດໃຫ້ເນື້ອໃນຈິດໃຈມະຕິຕົກລົງຂອງສະພາແຫ່ງຊາດ ແລະ ຄຳສັ່ງນາຍົກລັດຖະມົນຕີ ໄດ້ຮັບການຈັດຕັ້ງປະຕິບັດຖືກຕ້ອງທັນເວລາ ແລະ ເປັນເອກະພາບກັນລະຫວ່າງ 2 ຂະແໜງການ ກະຊວງ ພະລັງງານ ແລະ ບໍ່ແຮ່ ກັບ ກະຊວງ ຊັບພະຍາກອນ ທຳມະຊາດ ແລະ ສິ່ງແວດລ້ອມ ຈຶ່ງໄດ້ຮ່ວມກັນ ເຮັດບົດບັນທຶກ ມອບ-ຮັບ ວຽກທັງໝົດຂອງຂະແໜງການ ທໍລະນີສາດ ຊຶ່ງຂະແໜງດັ່ງກ່າວ ປະກອບດ້ວຍ ກົມທໍລະນີສາດ ແລະ ກົງຈັກຊ່ວຍວຽກຈຳນວນ 4 ພະແນກ ບໍລິຫານ-ວິຊາການ ແລະ ມີ 2 ກອງວິຊາການສຳຫຼວດທໍລະນີສາດ ໃນນັ້ນມີ 1 ກອງສຳຫຼວດ ເຮັດການຮ່ວມມືກັບຕ່າງປະເທດ ເຊິ່ງກະຊວງ ພະລັງງານ ແລະ ບໍ່ແຮ່ ຂໍມອບວຽກງານທັງໝົດ ຂອງຂະແໜງ ທໍລະນີສາດ ໃຫ້ແກ່ ກະຊວງ ຊັບພະຍາກອນ ທຳມະຊາດ ແລະ ສິ່ງແວດລ້ອມ ມີ 2 ວຽກໃຫຍ່ ຄື: ວຽກງານຄຸ້ມຄອງປົກປັກຮັກສາຊັບພະຍາກອນແຮ່ທາດ ໂດຍທົ່ວໄປ ແລະ ວຽກງານສຳຫຼວດຂໍ້ມູນພື້ນຖານ ແລະ ປະເມີນປະລິມານສະສົມ.
ທ່ານ ນູລິນ ສິນບັນດິດ ໄດ້ກ່າວວ່າ ຈະສືບຕໍ່ຊຸກຍູ້ສະໜັບສະໜູນໃນການປະຕິບັດວຽກງານດັ່ງກ່າວຢ່າງ ຕັ້ງໜ້າ ເພື່ອໃຫ້ມີຜົນສຳເລັດ ແລະ ມີປະສິດທິພາບສູງຂຶ້ນກ່ວາເກົ່າ.
|
|
LAST_UPDATED2 |
