ໃນ​ວັນ​ທີ 12 ​ເມສາ 2010 ທີ່​ຜ່ານ​ມາ, ອົງການ ຊັບພະຍາກອນ​ນ້ຳ ​ແລະ​ສິ່ງ​ແວດ​ລ້ອມ ​ໄດ້​ຈັດ​ພິທີ ສະຫຼຸບ​ຜົນງານ ມອບ​ໃບ​ຍ້ອງຍໍ ສົກປີ 2008-2009 ພ້ອມ​ທັງ​ສະ​ເຫຼີ​ມສະຫຼອງ ປີ​ໃໝ່​ລາວ 2553, ຢູ່​ທີ່ ກົມ​ອຸຕຸນິຍົມ ​ແລະອຸ​ທົກ​ກະສາ​ດ. ​ໂດຍ​ການ​​ເປັນ​ປະທານ​ຂອງ ​ທ່ານ ນາງ ​ເຂັມ​ແພງ ພົນ​ເສນາ ​ເລຂາ​ຄະນະ​ພັກ​ຮາກ​ຖານ, ລັດຖະມົນຕີ​ປະຈຳ​ສຳນັກ​ງານ​ ນາຍົກລັດຖະມົນຕີ, ຫົວໜ້າ ອົງການ ຊັບພະຍາກອນ​ນ້ຳ ​ແລະ​ສິ່ງ​ແວດ​ລ້ອມ.

ພິທີ​ດັ່ງກ່າວ​ໄດ້​ຈັດ​ຂຶ້ນ​ໃນ​ເວລາ 13:00 ​ໂດຍ​ມີ​ການ​ຜ່ານ​ບົດ​ສະຫຼຸບ 6 ​ເດືອນ​ຕົ້ນ​ປີ ​ແລະ​ທິດ​ທາງ 6​ ​ເດືອນ​ທ້າຍ​ປີ 2009-2010. ຈາກ​ນັ້ນ ​ກໍ່​ມີ​ການ​ຜ່ານ ​ທິດ​ທາງ​ວຽກ​ງານ ​ແຂ່ງຂັນ​ຍ້ອງຍໍ​, ອ່ານ​ຂໍ້​ຕົກລົງ, ​ສະ​ເໜີ​ລາຍ​ຊື່​ ​ແລະ​ມອບ​ໃບ​ຍ້ອງຍໍ ຕົວ​ເດັ່ນ​ປະຈຳ​ປີ 2008-2009. ຕໍ່​ມາ ກໍ່​ໄດ້​ມີ​ການ​ຮັບ​ຟັງ​ ການ​ໂອ້​ລົມ​ຂອງ ທ່ານ ລັດຖະມົນຕີ, ສຸດ​ທ້າຍ​ກໍ່​ເປັນ​ການບາສີສູ່ຂວັນ ຕ້ອນຮັບ​ປີ​ໃໝ່​ລາວ ຕາມ​ຮີດຄອງ​ປະ​ເພນີ ​ແລະ​ຮ່ວມ​ພາ​ເຂົ້າ​ສາມັກຄີ ​ເປັນອັນ​ຈົບ​ພິທີ.

ສາມາດເບິ່ງຮູບເພີ່ມເຕີມໄດ້ທີ່: http://www.wrea.gov.la/somoula/PicturesShow/index.php?imgdir=2010-04-12%20Pee%20Mai%20Lao