ໃນ​ຕອນ ​ແລງ​ເວລາ 15:00 ໂມງຂອງ ວັນ​ທີ 21 ມີຖຸນາ 2010, ອົງການ​ ຊັບພະຍາກອນ​ນ້ຳ ແລະ ສິ່ງ​ແວດ​ລ້ອມ (ອຊນສ) ຕ່າງໜ້າ ​ໂດຍ ທ່ານ ມອນ​ມະນີ ຍອຍ​ບົວ​ກ່ອງ, ຫົວຫນ້າ ຫ້ອງການ ອຊນສ ກັບ ກອງ​ທຶນ​ປົກຮັກສາ​ສິ່​ງແວດ​ລ້ອມ (ກປສ) ຕ່າງໜ້າ ​ໂດຍ ທ່ານ ສຸກກາ​ຕະ ວິຈິດ, ຜູ້ອຳນວຍ​ການ ກອງ​ທຶນ​ປົກ​ປັກຮັກສາ​ສິ່​ງ​ແວດ​ລ້ອມ ​ໄດ້​ເຊັນ​ສັນຍາ, ​​ເພື່ອຮ່ວມກັນ​ຈັດຕັ້ງປະຕິບັດ ​​“​​​​​​ໂຄງການ ສ້າງຄວາມເຂັ້ມແຂງ ໃຫ້ຫ້ອງການ ອຊນສ ໃນວຽກງານ ວາງ​ແຜນ​ຍຸດ​ທະ​ສາດ, ງົບປະມານ, ຕິດຕາມ​ກວດກາ, ​ແລະ​ປະ​ເມິ​ນຜົນ​​​​​​​​​​​​ ​​​​ ​​​​​​​​ອຊນສ" ໃນມູນ​ຄ່າ 2,112,500,000 ກີບ ( ສອງຕື້ ຫນຶ່ງ​ຮ້ອຍ ສິບ​ສອງ​ລ້ານ ຫ້າ​ແສນ​ກີບ) ຫຼື 250, 000 ​ໂດ​ລາ​ສະຫະລັດ, ອາຍຸໂຄງການ​ແມ່ນ 24 ​ເດືອນ.

ໂຄງການ ດັ່ງກ່າວ​ແມ່ນ ເພື່ອ:

(1)  ສ້າງຕັ້ງລະບົບ​ການວາງ​ແຜນ, ງົບປະມານ, ຕິດຕາມ​ແລະ​ກວດກາ​ທີ່​ລວມສູນ;

(2) ພະນັກງານ​ຈາ​ກກົມ​ກອງ​ທີ່​ກ່ຽວຂ້ອງ​ນຳ​ໃຊ້​ລະບົບ​ທີ່​ຖືກ​ປັບປຸງ

(3) ລະບົບ​ຖານ​ຂໍ້​ມູນ​ແຜນ​ງານ​ແລະ​ໂຄງການ ຄຸ້ມ​ຄອງ​ໂດຍ ຫ້ອງ​ການ ອຊນສ (ìວມທັງ ​ໂຄງການ​ສິ່ງ​ແວດ​ລ້ອມ​ແລະ​ສັງຄົມ)

(4) ປັບປຸງ​ການ​ປະສານ​ງານ ທັງ​ພາຍ​ໃນ​ແລະ​ພາຍ​ນອກ ​​ໃຫ້​ສອດຄ່ອງ​ກັບ​ລະບົບ​ການວາງ​ແຜນ​ແລະ​ຕິດຕາມ​ກວດກາ ການ​ຄຸ້ມ​ຄອງ​ສິ່ງ​​ແວດ​ລ້ອມ ​ແລະ ຊັບພະຍາກອນ​ນ້ຳ

(5) ສ້າງ​ຄວາມ​ເຂັ້ມ​ແຂງ​ໃນ​ການ​ປະສານ​ງານ​ກັບ​ພາຍ​ນອກ (ກອງ​ທຶນ​ປົກ​ປັກ​ຮັກສາ​ສິ່ງ​ແວດ​ລ້ອມ, ທະນາຄານ​ໂລກ, ກະຊວງ ​ການ​ເງິນ, ກະຊວງ ​ແຜນການ​ ແລະ​ ການ​ລົງທຶນ).

(6) ອຳນວຍ​ຄວາມ​ສະດວກ ​ໃນ​ການຈັດຕັ້ງປະຕິບັດ​ທິດ​ນຳ ຂອງ ການ​ນຳ ອຊນສ ປັບປຸງ​ການ​ປະສານ​ງານ ທັງ​ພາຍ​ໃນ​ແລະ​ພາຍ​ນອກ ​​ໃຫ້​ສອດຄ່ອງ​ກັບ​ລະບົບ​ການວາງ​ແຜນ​ແລະ​ຕິດຕາມ​ກວດກາ ການ​ຄຸ້ມ​ຄອງ​ສິ່ງ​​ແວດ​ລ້ອມ ​ແລະ ຊັບພະຍາກອນ​ນ້ຳ.

ໂຄງການ ດັ່ງກ່າວ ຈະປະກອບສ່ວນໃຫ້ ການປະສານງານ ແລະ ການຄຸ້ມຄອງ ສິ່ງແວດລ້ອມໃຫ້ດີຂື້ນ.