ໃນຕອນບ່າຍຂອງວັນທີ 24/04/2009 ເວລາ 13:00 ທີ່ຫ້ອງປະຊຸມໃຫຍ່ຂອງກົມອຸຕຸນິຍົມ ແລະ ອຸທົກກະສາດ ໄດ້ຈັດໃຫ້ມີກອງປະຊຸມກຳມະບານຂອງ ອຊນສ ຄັ້ງປະຖົມມະລຶກຂຶ້ນ, ໂດຍການເປັນປະທານຂອງທ່ານ ສີສະຫວັດ ວິທະໄຊ ຮອງ ຫົວໜ້າ ອົງການຊັບພະຍາກອນນ້ຳ ແລະ ສິ່ງແວດລ້ອມ. ກອງປະຊຸມດັ່ງກ່າວແມ່ນໄດ້ມີການສະຫຼຸບຜົນງານ ແລະ ເຜີຍແຜ່ວຽກງານສົກປີ 2008-2009, ແລະ ຮັບເອົາສະມາຊິກກຳມະບານໃໝ່ຈຳນວນ 26 ສະຫາຍ. ໃນພິທີໄດ້ມີການອ່ານຂໍ້ຕົກລົງແຕ່ງຕັ້ງຄະນະສະຫະພັນກຳມະບານ, ສະຫຼຸບແຜນການປີ 2007-2008 ແລະ ຜ່ານແຜນການສົກປີ 2008-2009, ຕໍ່ມາ ກໍ່ມີການສະເໜີລາຍຊື່ສະມາຊິກກຳມະບານ ແລະ ການແບ່ງປັນຈຸກຳມະບານ ພ້ອມທັງການເສຍເງິນສະຕິ ຂອງແຕ່ລະຈຸ ແຕ່ລະໜ່ວຍ, ຈາກນັ້ນ ກໍ່ໄດ້ຮັບຟັງຄຳໂອວາດຂອງທ່ານ ສີສະຫວັດ ວິທະໄຊ, ສຸດທ້າຍ ທ່ານ ນ. ມອນມະນີ ຍ່ອຍບົວກ່ອງ ປະທານ ກຳມະບານຮາກຖານ ອຊນສ, ຫົວໜ້າຫ້ອງການ ອຊນສ ຮັບຄຳໂອວາດ ແລະ ປິດກອງປະຊຸມໃນວັນດຽວກັນນັ້ນ.